«Շատ կարեւոր է, որպեսզի այդ իրադարձությունների սրացումը դադարեցվի, որպեսզի կողմերը կարողանան վերադառնալ նախկին եզրագծին՝ կրկին բանակցելու նպատակով»,-այսօր ՆՓԱԿ-ում՝ Գերմանիայի վերամիավորման 25-ամյակին նվիրված միջոցառման ժամանակ լրագրողների հետ զրույցում ասաց ՀՀ-ում Գերմանիայի դեսպան Մաթիաս Քիսլերը:
«Իրադարձություններ» ասելով նա նկատի ունի ղարաբաղյան հակամարտության կողմերի շփման գծում վերջին շրջանում Ադրբեջանի կողմից հրադադարի ռեժիմը խախտելու դեպքերը:
Քիսլերը կրկին ընդգծեց հակամարտության կարգավորման գործում Մինսկի խմբի համանախագահների աշխատանքի կարեւորությունը. «Խնդիրն այն է, որ չկան գործող մեխանիզմներ՝ պարզելու համար շփման գծում հակամարտության սրացման պատճառները: Գործնականում պետք է ջանքեր ներդնել այդ ուղղությամբ: Համանախագահների ջանքերն էլ ուղղված են երկու պետությունների ղեկավարների կամ բարձրաստիճան այլ պաշտոնյաների հանդիպումների կազմակերպմանը, որոնք կարեւոր են հակամարտությունը թուլացնելու գործում»,-հավելեց դեսպանը:
Լուիզա ՍՈՒՔԻԱՍՅԱՆ
Կարդացեք նաև
