Մադրիդում շարունակվում է իսպանացի գրոսմայստեր Օլիվեր Գոնսալեզի 4-րդ միջազգային հուշամրցաշարը, որտեղ ուժեղագույնների «A» խմբում հանդես են գալիս նաեւ մեր երկիրը ներկայացնող երիտասարդ գրոսմայստերներ, Հայաստանի գործող չեմպիոն Կարեն Գրիգորյանը եւ Ռոբերտ Հովհաննիսյանը (նկարում):
Խաղացված չորս տուրից հետո Կարեն Գրիգորյանը 3,5 միավորով ընթանում է մրցաշարային աղյուսակի 3-րդ հորիզոնականում: Ռոբերտ Հովհաննիսյանը կես միավոր պակաս է վաստակել եւ զբաղեցնում է 16-րդ տեղը: Իսկ մրցաշարային աղյուսակն առանց միավորի կորստի գլխավորում է իսպանացի գրոսմայստեր Դավիդ Լարինո Նիետոն:
ԱՇՈՏ ՀԱԿՈԲՅԱՆ
«Առավոտ» օրաթերթ
15.10..2015
https://chess-results.com/tnr185868.aspx?lan=1&art=2&rd=6&fed=ARM&flag=30&wi=821