Վրաստանի Կրթության և Գիտության նախարարության կողմից «Միություն» թերթի խմբագրությանը ներկայացված վիճակագրական տվյալների համաձայն` Վրաստանի տարածքում գործում է 131 հայլեզու ուսումնական հաստատություն` դպրոցներ և բաժիններ:
«Վրաստանի Կրթության և Գիտության նախարարության ունեցած տվյալների համաձայն` 2015թ. մայիսի 20-ի դրությամբ Վրաստանում գործում է 310 ոչ վրացալեզու դպրոց` ներառյալ բաժինները: Հայկական դպրոցները և բաժինները ընդամենը 131 են: Վրաստանի հայալեզու դպրոցներում սովորող աշակերտների քանակը կազմում է 13 912 աշակերտ:
Ինչ վերաբերում է ադրբեջանական դպրոցներին, Վրաստանում դրանք ընդամենը 120 են: Աշակերտների քանակը` 25 609: Վրաստանի տարածքում գործում է 61 ռուսալեզու դպրոց, աշակերտների ընդհանուր քանակը` 13 835:
Վրաստանի հայալեզու դպրոցներում վրաց լեզուն դասավանդում է ընդամենը 431 ուսուցիչ, իսկ Մայրենի լեզուն` հայերենը -837 ուսուցիչ»:
