«Այո, ես ռուս եմ: Եթե Ռուսաստանում եմ ապրում՝ ռուս եմ: Ռուս դա չի նշանակում ինչ-որ ազգություն, դա ոնց որ ամերիկացի: Ես հայ եմ, հպարտանում եմ իմ հայությամբ: Ես Մալիշկայում եմ հայտարարություն անելու՝ գնալու եմ ընտրությունների, թե չէ: Գնալու եմ մեր գյուղացիների հետ խորհրդակցեմ: Ես երբ ասում եմ՝ ռուս եմ, դա չի նշանակում, որ ազգությամբ եմ ռուս: Ես հոգով, սրտով հայ եմ: Ես ամբողջ աշխարհում տարածում եմ իմ հայությունը: Ես լիարժեք հայ եմ, կարող եք չկասկածել»,- այսօր հրավիրած ասուլիսում հայտարարեց Ռուսաստանի հայերի միության նախագահ Արա Աբրահամյանը:
Լրագրողները հետաքրքրվեցին՝ ի՞նչն է ձեզ խանգարում Ռուսաստանում քաղաքականությամբ զբաղվել, կուսակցություն բացել՝ նա բարկացավ. «Հլը դուք մտածեք՝ ի՞նչը կարա խանգարի Աբրահամյան Արային: Ռուսաստանում այնպես չի, որ ես չորրորդական դիրքերում եմ գտնվում, էլ տեղ չունեմ զարգանալու եւ այլն, հիմա ուզում եմ գամ, Հայաստանում ինչ-որ կարիերա ստեղծեմ: Ես չեմ ուզում կարիերա ստեղծեմ, ուզում եմ երկրին օգնեմ: Ես բիզնեսմեն եմ: Աբրահամյան Արան իր ժամանակի մեծ մասը ներդնում է ՀԿ-ներին: Սա պարտավորություն չի: Մենք հաշվետվություն տվեցինք, ՌԴ-ի հայերի միությունը 147 մլն դոլար ա ծախսել՝ Աբրահամյան Արայի հայերի միության հաշվին: Դուք գիտե՞ք դա ինչքան ա, եթե դուք չգիտեք փող ծախսելն ինչ ա, կամ եղբայրներ, բարեկամությունը չգիտեք…Եթե մեծ-մեծ խոսացողները, որ ժամանակին ինձ ասում էին՝ պարոն Աբրահամյան, ձեր ռուսերեն խոսալը, դուք չե՞ք ամաչում, ռուսերեն այդպես չեն խոսում, ինչպես բոլորը…Ես ասեմ՝ էդ ռուսերեն խոսացողները բոլորդ իրար հետ հավաքվեք, մի կառույց բացեք, ինձ էլ ազատեք, էս հոգսերը վերցրեք ձեր վրա: Գիտեք ինչ կա, մկների ժողովը չի՝ ճառը ասեն ու զանգը չկախեն»:
Նա ասաց, որ ՌԴ-ում չի կարողանում գիշերները հանգիստ քնել, իրեն լավ չի զգում ճոխ սեղանների կողքը, երբ գիտի, որ այստեղ վատ վիճակ է:
Կարդացեք նաև
Հռիփսիմե ՋԵԲԵՋՅԱՆ
