Հաղորդել ենք, որ երեկ ՀՀ նախագահ Սերժ Սարգսյանը այցելել էր Սյունիքի մարզ: Եվ մասնավորապես Կապանում այցելել էր քաղաքի վերակառուցված թիվ 2 ավագ դպրոց, ներկա էր գտնվել քաղաքի բժշկական արդիականացված կենտրոնի բացման արարողությանը, այցելել է քաղաքի բարեկարգված կենտրոնական հրապարակ, որտեղ Նախագահի ներկայությամբ տեղի է ունեցել ժամանակակից սարքավորումներով հագեցված, լուսաձայնային լուծումներով շատրվանների բացման արարողությունը:
Սերժ Սարգսյանը Կապանում մասնակցել է նաև քաղաքի օրվան ընդառաջ կազմակերպված տոնակատարություններին:
Այս ամբողջ ընթացքում նրան, բնականաբար, ուղեկցել է Սյունիքի մարզպետ Սուրիկ Խաչատրյանը:
Կարդացեք նաև
Կապանի «Խուստուփ» հեռուստաընկերության ղեկավար Սասուն Մանուկյանը «Առավոտին» է տրամադրել այս բոլոր միջոցառումների վերաբերյալ բացառիկ լուսանկարներ:
