Ի՞նչ է իրենից ներկայացնում փռշտոցը: Փռշտոցի միջոցով քթից դուրս են մղվում բակտերիաները եւ օտար մարմինները: Երբ ինչ-որ բան է քիթն ընկնում, կենտրոնական նյարդային համակարգն ազդանշան է ստանում, ուղեղում ակտիվանում է փռշտալու կենտրոնը, կծկվում են կրծքավանդակի մկանները: Արդյունքում փռշտոց է առաջանում, եւ օդը թքի եւ լորձի հետ դուրս է մղվում քթից ու բերանի խոռոչից: Փռշտոցն օգնում է մեզ առողջ մնալ եւ հանդիսանում է իմունային համակարգի կարեւոր մասը:
Foods and Healthy Life.com-ը զգուշացնում է՝ չպետք է զսպել փռշտոցը, քանի որ ձեր մարմինն ուզում է հեռացնել գրգռիչին, իսկ փռշտոցը զսպելը կարող է վտանգ հանդիսանալ: Փռշտալու ժամանակ օդը մեր քթի միջով անցնում է մինչեւ 160 կմ/ժ արագությամբ, այնպես որ, փռշտալու գործընթացը կանխելու դեպքում, ողջ ճնշումը տեղափոխվում է մարմնի մի այլ հատված, որը կարող է վնասվել:
Փռշտոցը կարող է առաջացնել լսողության կորուստ եւ գլխապտույտ: Եթե ճնշումն ընկնի ականջների վրա, հնարավոր է՝ ականջների թմբկաթաղանթների ճաք առաջանա: Ճնշման հետեւանքով աչքերի մազանոթները կարող են պայթել, ինչպես նաեւ վնաս հասցնել թաղանթներին:
Փռշտոցի դադարեցնելը կարող է պարանոցը եւ նոր վիրահատված մարդու թարմ վերքերը վնասելու պոտենցիալ ռիսկ լինել: Իսկ վատագույն դեպքում կարող է կաթված կամ ուղեղի երակների ճաք առաջացնել, որը կարող է ճակատագրական լինել: Այնպես որ, եթե դուք ստիպված եք փռշտալ հանրության մոտ, մի՛ ամաչեք, որովհետեւ այն գինը, որ դուք պետք է վճարեք, կարող է շատ թանկ արժենալ: Զսպելու փոխարեն, պետք է պարզապես բերանին թաշկինակ դնել:
Կարդացեք նաև
Պատրաստեց ՆՈՒՆԵ ՂԱԶԱՐՅԱՆԸ
«Առավոտ» օրաթերթ
13.10..2015
