ԵԽ գլխավոր քարտուղար Թորբյորն Յագլանդը դեռ սպասում է, որ ՀՀ-ում ընդդեմ էլեկտրաէներգիայի սակագնի թանկացման բողոքի ակցիաների ժամանակ լրագրողների դեմ տեղի ունեցած բռնությունների հարցով ՀՀ իշխանությունները հետաքննություն կիրականացնեն: Aravot.am-ի հետ զրույցում պարոն Յագլանդն ասաց, որ իրենք բավականին խիստ են հանձնարարել ՀՀ իշխանություններին անցկացնել հետաքննություն. «Մենք մտահոգված ենք այս իրավիճակով, սա լուրջ քննարկման առարկա է: Ուստի իշխանություններին հստակ հանձնարարականներ ենք տվել, նրանք էլ համաձայնել են և մեր դիտողությունները հաշվի առել»:
Մեր այն հակադարձմանը, եթե դիտողությունները հաշվի են առել, արդյոք մտահոգիչ չէ՞, որ ամիսներ են անցել, սակայն հետաքննության արդյունքները դեռ տեսանելի չեն, պարոն Յագլանդը պատասխանեց. «Ես տեղեկություններ ունեմ, որ այնուամենայնիվ այդ հետաքննությունը իրականացվում է և մենք լրջորեն հետևում ենք այդ գործընթացին»:
Տաթև ՀԱՐՈՒԹՅՈՒՆՅԱՆ
“արևմուտքը” պաշպանում է իր ագենտուռային հարձակումներից