ԱԺ ՀՀԿ խմբակցության պատգամավոր Արտակ Դավթյանը հոկտեմբերի 6-ին, 7-ին թուրքական ուղղաթիռների՝ ՀՀ օդային տարածքը խախտելու քայլերը համարում է Ադրբեջանին ուղղված քաջալերում:
Նա չի ընդունում թուրքական կողմի պատճառաբանությունը, թե եղանակային վատ պայմաններն են պատճառ դարձել:
«Ե՛վ իսլամական պետությունը, ե՛ւ Ադրբեջանը նույն գործելաոճի մեջ են: Գիտենք՝ ով է երկուսին էլ քաջալերում, եթե ծայրահեղ իսլամիստները պատրաստվել են Թուրքիայի տարածքում, նրանք փորձ ունեն բաշիբոզուկներին դիմելու ու ուղղորդելու: Ադրբեջանի արկածախնդրությունը տեսանք, որին հաջորդեց մեր հակահարվածները, դրանից հետո ակնհայտ էր, էր Ադրբեջանի քաղաքական ղեկավարությունը պետք է որոշակի խուճապային վիճակում հայտնվեր, ընկճախտի մեջ ընկներ, եւ թուրքական կողմը, ուղղաթիռով Հայաստանի օդային սահմանը խախտելով, փորձ է անում քաջալերել իր փոքր եղբորը»,- այսօր «Հայելի» ակումբում ասաց Արտակ Դավթյանը:
«Ազատ դեմոկրատներ» կուսակցության փոխնախագահ Անուշ Սեդրակյանն էլ շարունակեց՝ բացատրելով, որ Թուրքիան ՆԱՏՕ-ի ճամբարում է գտնվում եւ պատկանում է սունիտական մեծամասնությանը. «Երբ խոսում ենք Ադրբեջան-Թուրքիա համատեղ գործողությունների մասին, իսկ դուք ասում եք՝ իսլամական հանրապետության բաշիբոզուկներին են զինում, այդ բաշիբոզուկները պատկանում են շիիթական փոքրամասնությանը, նրանց մեջ կա խոշոր կոնֆլիկտ, ո՞նց կարող ենք կապել երկու թշնամիներին: Այդ կոնֆլիկտը իր նախնական զարգացման մեջ սունաշիիթական հակամարտություն է»:
Կարդացեք նաև
Ըստ նրա, ՆԱՏՕ-ի մոտեցումն է՝ Սիրիայից պետք է հեռանան ե՛ւ իսլամական հանրապետությունը ե՛ւ Ասադը, դրա համար է ռմբակոծությունները արվում. «Իսկ Ռուսաստանն ասում է՝ Ասադը պետք է մնա, չի շեշտադրում, որ իսլամական հանրապետությունը պետք է վերանա: Ինձ համար անընդունելի պատերազմ է»:
Արփինե ՍԻՄՈՆՅԱՆ
