Այսօր Ֆրիդրիխ Էբերտ հիմնադրամի հայաստանյան մասնաճյուղը «Սահմանադրական բարեփոխումները Հայաստանում» խորագրով հանրային քննարկում էր կազմակերպել «Անի պլազա» հյուրանոցում:
Քննարկմանը մասնակցում էին ՀԱԿ խմբակցության ղեկավար Լեւոն Զուրաբյանը, «Համաձայնություն» կենտրոնի ղեկավար Դավիթ Շահնազարյանը, ՀՅԴ պատգամավոր Արծվիկ Մինասյանը, ՍԴ նախագահի ավագ խորհրդական Անահիտ Մանասյանը եւ Սահմանադրական փոփոխությունների հանձնաժողի անդամ Վարդան Պողոսյանը:
Հենց վերջինս սկսեց իր ելույթը, դահլիճում մի խումբ երիտասարդներ յուրօրինակ ակցիա արեցին: Միանգամից բարձրացրեցին պաստառներ «Ոչ» գրառմամբ եւ անակնկալի բերեցին ներկաներին:
Կարդացեք նաև
Լեւոն Զուրաբյանը գոհ նայում էր երիտասարդներին ու ժպտում:
Հիշեցնենք, որ արդեն մեկնարկել է Սահմանադրական փոփոխությունների քարոզարշավը:
Երիտասարդները իրենց ոչ-ի ցուցապաստառները Վարդան Պողոսյանի ողջ ելույթի ժամանակ պահեցին: Դրանք բարձրացրեցին նաեւ Անահիտ Մանասյանի ելույթի ժամանակ:
Հռիփսիմե ՋԵԲԵՋՅԱՆ
