«Առնո Բաբաջանյան» համերգասրահում այսօր ցուցադրվեց «Հնագույն նվագարաններ» ֆիլմաշարի 8-րդ՝ «Թառը» ֆիլմը: «Ամեն ինչ արել ենք՝ ներկայացնելու համար թառի հնչյունները, լարումը, կատարման ձեւերը: Օգտվել ենք նաեւ հանրագիտարանային տվյալներից, որպեսզի հատկապես նոր սերունդն ինքը ցանկություն ունենա ապրեցնելու հայ մշակույթը»,-Aravot.am-ի հետ զրույցում ասաց «Հնագույն նվագարաններ» ֆիլմաշարի հեղինակ Ռիտա Շառոյանը:
Նա նշեց, որ պատմիչները եւ աղբյուրագիտությունը թառը բնորոշում են որպես արեւելյան, ավելի ճիշտ տարածաշրջանային գործիք. «Բայց աշխատել ենք գտնել հիմքեր եւ փաստեր, որոնք իրական տպավորություն կստեղծեն թառի հայկական լինելու մասին»:
Հիշեցնենք, որ ՅՈՒՆԵՍԿՕ-ն թառը ճանաչել է որպես ադրբեջանական նվագարան. «Ջուրն իր ճամփեն կգտնի»`՝ասում է հեղինակը՝ նկատի ունենալով, որ հանդիսատեսն ինքը կգիտակցի այդ հնագույն նվագարանի հայկական լինելը:
Կարդացեք նաև
Հավելենք, որ նախորդ տարիներին հանդիսատեսի դատին են ներկայացվել «Ծիրանափող (Դուդուկ)», «Քանոն», «Քամանչա», «Պարկապզուկ», «Բամբիռ», «Հարկանային գործիքներ» գեղարվեստափաստագրական ֆիլմերը: Հետագայում եւս կնկարահանվի հնագույն նվագարաններից մեկին նվիրված ֆիլմ:
Մանրամասները` տեսանյութում:
Լուիզա ՍՈՒՔԻԱՍՅԱՆ
