Երկրորդ նախագահ Ռոբերտ Քոչարյանը իր վերջին հարցազրույցում վստահեցրել էր, որ Սահմանադրական փոփոխություններն ընդունելու պարագայում հովանավորչական կառավարումը կդառնա անխուսափելի ու հարատեւ չարիք, լճացման աղբյուր եւ արատավոր համակարգի վերարտադրման գործիք:
Պարզվում է, ՀՀԿ-ականները մինչեւ հիմա չեն կարողանում հասկանալ, թե Քոչարյանն այդ ո՞ր արատավոր համակարգը նկատի ունի:
Aravot.am-ի հետ զրույցում ՀՀԿ խմբակցության ղեկավար Վահրամ Բաղդասարյանն ասաց. «Ինձ էլ է շատ հետաքրքիր, թե ո՞ր արատավոր համակարգի մասին է խոսքը, որովհետեւ ինչքան փորձեցի այդ արատավոր համակարգի քննադատությունները պեղեմ եւ գտնեմ՝ չհաջողվեց: Այդ արատների մասին ինձ թվում է ավելի պարզ պետք է մեկնաբանվի, եւ մենք էլ կարողանանք պատասխան տալ: Համենայնդեպս, ես համաձայն չեմ երկրորդ նախագահի գնահատականների հետ: Այս Սահմանադրությունը մանրակրկիտ ուսումնասիրված է:
Միջազգային կազմակերպություններն իրենց դրական գնահատականը տվել են: Մեր քաղաքական ուժերը, քաղաքացիական հասարակությունը 4-5 ամիս քրտնաջան քննարկումներից հետո ճնշող մեծամասնությունը եկավ այն եզրակացության, որ այո, Սահմանադրական բարեփոխումները միտված են ապագային, եւ մեր երկրի, պետության ապագան պառլամենտական մոդելի եւ 100 տոկոս համամասնականի մեջ է»:
Կարդացեք նաև
Հռիփսիմե ՋԵԲԵՋՅԱՆ
