Զարգացման Բանկը «ԱրմենիանՔարդ» ՓԲԸ-ի և MasterCard ընկերության հետ համատեղ իր հաճախորդների համար կազմակերպում է նոր խրախուսական ակցիա: Ակցիայի շրջանակում ս.թ. հոկտեմբերի 15-ից մինչև դեկտեմբերի 15-ը 300,000 և ավել դրամի 30 և ավել անկանխիկ (առցանց վճարումները չեն ներառվում) գործարք MasterCard և Maestro քարտերով կատարելու դեպքում Բանկի հաճախորդները կստանան հնարավորություն շահելու 180 պլանշետներից մեկը:
Ակցիայի նպատակն է խրախուսել անկանխիկ գործարքները և ներգրավել նոր քարտապաններ:
«Զարգացման Հայկական Բանկ» բաց բաժնետիրական ընկերությունը Հայաստանի Հանրապետության առաջին առևտրային բանկերից է, որը հիմնադրվել է 1991 թ-ին: Բանկը մատուցում է ժամանակակից բանկային ծառայությունների լայն տեսականի տնտեսության տարբեր ճյուղեր ներկայացնող ռեզիդենտ և ոչ ռեզիդենտ իրավաբանական և ֆիզիկական անձանց:
Այս 24 տարիների ընթացքում Բանկն ապացուցել է շուկայում իր կայացվածությունը, կուտակել է փորձ և արհեստավարժություն, վաստակել է հաճախորդների վստահությունը: Զարգացման Բանկը 2015 թվականի ընթացքում իր հաճախորդներին առաջարկելու է սպասարկման առավել բարենպաստ պայմաններ, նոր ծառայություններ և շարունակելու է մոտենալ իր հաճախորդներին` նոր մասնաճյուղերի բացման միջոցով:
