Հոկտեմբերի 7-ին Երեւանում, քաղաքացիական ծառայության խորհրդում կայացել է Տավուշի մարզպետարանի աշխատակազմի սոցապ եւ առողջապահության վարչության պետի թափուր տեղի համար մրցույթ: Մրցույթն ունեցել է մեկ մասնակից՝ Իջեւանի ԲԿ-ի տնօրեն Նարեկ Վանեսյանը: Վերջինս հայտնեց, որ հաղթել է մրցույթում եւ որպես մարզպետարանի նշված վարչության պետ կսկսի աշխատել այսօրվանից՝ հոկտեմբերի 12-ից:
Վանեսյանը Իջեւանի հիվանդանոցի ղեկավար էր ընտրվել այս տարվա մայիսի 27-ին Իջեւանի ԲԿ-ի տնօրենի թափուր տեղի համար մրցույթի արդյունքում, որին մասնակցեց 4 թեկնածու: Մայիսի 29-ին Տավուշի մարզպետ Հովիկ Աբովյանի որոշմամբ Ն. Վանեսյանը Իջեւանի ԲԿ- տնօրեն էր նշանակվել 6 ամիս ժամկետով:
Ն. Վանեսյանը 32 տարեկան է, ՀՀ զինված ուժերի բժշկական ծառայությանը հասարակական աջակցության համար պարգեւատրվել է «Անդրանիկ Օզանյան» եւ «ՀՀ զինված ուժերի 20-ամյակ» մեդալներով, 2012թ. արժանացել է ՀՀ սպորտի եւ երիտասարդության հարցերի նախարարության ոսկե հուշամեդալի:
Նա եղել է Հայաստանի հանրային խորհրդի առողջապահության եւ սոցիալական հարցերի հանձնաժողովի կոլեգիայի անդամ ,երիտասարդ բժիշկների ազգային խորհրդի նախաձեռնող խմբի ղեկավարը:
Կարդացեք նաև
Ոսկան ՍԱՐԳՍՅԱՆ
Լուսանկարը՝ Նարեկ Վանեսյանի ֆեյսբուքյան էջից
