Մեն կղզում ավարտվող շախմատի միջազգային մրցաշարում հայաստանցի գրոսմայստեր Գաբրիել Սարգսյանը (նկարում) ութ տուրից հետո 6,0 միավորով ընթանում է մրցաշարային աղյուսակի 4-րդ հորիզոնականում: Նա ընդամենը կես քայլ է զիջում միանձնյա առաջատար, հնդիկ Հարիկրիշնային: Մեր հանրապետության եւս երկու ներկայացուցիչներ՝ գրոսմայստերներ Սերգեյ Մովսիսյանն ու Հրանտ Մելքումյանը վերջին տուրից առաջ ունեն 5,5-ական միավոր: Մովսիսյանը եզրափակում է առաջատարների տասնյակը, իսկ Մելքումյանը 12-րդն է:
Աշոտ ՀԱԿՈԲՅԱՆ
