Այսօր Երեւանում աշխատանքն ավարտեց Ֆրանկոֆոնիայի միջազգային կազմակերպության արտգործնախարարների համաժողվի 31-րդ նստաշրջանը, որին մասնակցեցին 5 մայրցամաքների 80 երկրների 500 ներկայացուցիչներ:
Համաժողովի ավարտին նախագահող երկրի դերը Սենեգալից փոխանցվեց Մադագասկարին, որից հետո հրավիրվեց մամուլի ասուլիս:
ՀՀ արտգործնախարար Էդուարդ Նալբանդյանը, ամփոփելով համաժողվի 31-րդ նստաշրջանը՝ նշեց, թե որքան է Հայաստանը կարեւորում Ֆրանկոֆոնիայի դերը եւ մեկ անգամ եւս վերահաստատում է իր անդամակցությունն ու համագործակցությունը Ֆրանկոֆոնիայի միջազգային կազմակերպությանը: ՀՀ ԱԳ նախարարը համոզմունք հայտնեց, որ գործնական հանդիպումների առիթներ առաջիկայում էլ շատ կլինեն Հայաստանը բացահայտելու առումով: Է. Նալբանդյանը նշեց, որ Հայաստանը Ֆրանկոֆոնիայի միջազգային կազմակերպությունը դիտարկում է որպես խաղաղության, բազմազանության եւ երկխոսության տարածք: Նա ընդգծեց բովանդակալից եւ արգասավոր քննարկումները, որոնք Երեւանում ծավալվեցին զանազան թեմաների շուրջ՝ դրանց մասին խոսելու հնարավորությունը թողնելով նստաշրջանը նախագահած Սենեգալի արտգործնախարար, պարոն Մանքյոր Նդայեին: Նաեւ նշեց, որ նստաշրջանի քննարկման թեմա դարձան մեզ համար անչափ կարեւոր Հայոց ցեղասպանության 100-ամյակի տարում ցեղասպանությունները կանխարգելելու մասին ընդունված բանաձեւը:
Մաքյոր Նդայեն եւ Միկայել Ժանը շնորհակալություն հայտնեցին Հայաստանին պատմական Երեւանում նախարարական համաժողովը բարձր մակարդակով կազմակերպելու համար: Այն մի քանի աշխատանքային օրերին օրերը, որ իրենք անցկացրել են Երեւանում, քննարկվել են բազմաթիվ օրախնդիր թեմաներ եւ ընդունվել են բանաձեւեր:
Կարդացեք նաև
Աշոտ ՀԱԿՈԲՅԱՆ
