Ամուսինները համատեղ են ապրում
Իջեւան քաղաքի բնակիչ, 1959թ. ծնված Ա. Ս.-ն ՀՀ քրեական օրենսգրքի 118 հոդվածով («Ծեծը») մեղադրյալ է ներգրավվել այն բանի համար,որ 2015թ. հունիսի 15-ին Իջեւան քաղաքում գտնվող իրենց տանը ծեծել է իր կնոջը՝ դիտավորությամբ երեք անգամ ոտքով հարվածել է կնոջ մեջքի, ազդրի շրջանում, մեկ անգամ ձեռքով հարվածել կնոջ աջ այտին՝ պատճառելով ֆիզիկական ցավ:
Հոկտեմբերի 9-ին Բերդ քաղաքում դատաքննությունը սկսվելուց առաջ կինը եւ նրա ամբաստանյալ ամուսինը դատարան դիմումներ են ներկայացրել, որ հաշտվել են եւ խնդրել են քրեական գործի վարույթը կարճել:
Դատավոր Զոյա Զաքինյանը որոշել է քրեական գործի վարույթը կարճել՝ ամբաստանյալի հետ հաշտվելու պատճառով, նրա նկատմամբ քրեական հետապնդումը դադարեցնել:
Կարդացեք նաև
Ոսկան ՍԱՐԳՍՅԱՆ
