ԵԱՀԿ մշտական խորհրդի 1070-րդ նիստում Ադրբեջանի պատվիրակությունը հայտարարություն է արել, որում նշված, թե ի տարբերություն ԵԱՀԿ տարածաշրջանում մյուս սառեցված հակամարտությունների, Լեռնային Ղարաբաղում եւ 7 հարակից տարածքներում «ադրբեջանցիների էթնիկական զտում է կատարվել»:
1news.az-ի փոխանցմամբ՝ ելույթի ընթացքում անդրադարձ է կատարվել նաեւ հակամարտության կարգավորման գործում ԵԱՀԿ Մինսկի խմբի համանախագահների դերին: Հայտարարվել է, որ վերջին 20 տարիներին միջնորդների ջանքերը արդյունք չեն ունեցել:
«Նրանք որեւէ քննադատական մեկնաբանություն չեն արել հայերի կողմից ադրբեջանական տարածքների շարունակվող օկուպացիայի եւ հայկական կողմից հակամարտության կարգավորման լուրջ բանակցություններ անցկացնելու ցանկության բացակայության առնչությամբ»,- նշված է հայտարարությունում:
Ադրբեջանական պատվիրակության ներկայացուցիչները ասել են նաեւ, թե Հայաստանի նախագահը սպառնում է Ադրբեջանի տարածքային ամբողջականությանը եւ ինքնիշխանությանը, ինչը խախտում է Հելսինկյան եզրափակիչ ակտի հիմնական դրույթները եւ ՄԱԿ-ի անվտանգության խորհրդի բանաձեւերը:
Կարդացեք նաև
Ադրբեջանցի պատվիրակները եւս մեկ անգամ շեշտել են, որ իրենց համար անընդունելի է ստատուս-քվոյի շարունակությունը:
Պատրաստեց Աշոտ ԻՍՐԱԵԼՅԱՆԸ
