Հայաստանում ամենապահանջարկվածը երիկամի փոխպատվաստումն է: Այդ մասին, լրագրողների հետ զրույցում ասաց ՀՀ առողջապահության նախարարի տեղակալ Սերգեյ Խաչատրյանը: Մեր երկրում նաեւ շատ կարիք կա սրտի, լյարդի, ենթաստամոքսային գեղձի, թոքերի փոխպատվաստման: Այդ ուղղությամբ աշխատանքներ են տարվում: Հայաստանում տարեկան 10-15 երիկամի փոխպատվաստում է կատարվում, բայց պահանջարկը մի քանի անգամ ավելի է: «Երիկամի կարիք ունեցողները մի քանի անգամ ավելի են` հաշվի առնելով, որ դիալիզի գնացողների թիվը տարեցտարի աճում է: Սա լուրջ բժշկական ուղղություն է, որը պահանջում է լրջագույն կարողություններ ու ֆինանսական միջոցներ, մենք փորձում ենք զարգացնել այդ ուղղությունը մեզ մոտ»,- ասաց փոխնախարարը:
Հայաստանում ընդունվել է «Մարդուն օրգաններ և հյուսվածքներ փոխպատվաստելու մասին» ՀՀ օրենքը, որը նախատեսում է դիակային դոնորից օրգան վերցնելու հնարավորությունը: Սակայն օրենքը փաստացի չի գործում, քանի որ դեռևս չեն մշակվել ենթաօրենսդրական ակտերը:
Այլ մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
