«Բյուրո Վերիտաս» միջազգային հոլդինգի կողմից «Զարգացման Հայկական Բանկ» ԲԲԸ-ին շնորհվեց Տեղեկատվական անվտանգության կառավարման համակարգի ISO/IEC 27001:2013 միջազգային ստանդարտին համապատասխանության հավաստագիր:
Սույն հավաստագիրը փաստում է, որ Բանկում ապահովված է շրջանառվող ողջ տեղեկատվության գաղտնիությունը, հասանելիությունը և ամբողջականությունը՝ միջազգային պահանջներին համապատասխան և ապացույցն է այն բանի, որ Զարգացման Բանկը հետամուտ է իր և իր հաճախորդներին վերաբերող տեղեկատվության անվտանգության, ինչպես նաև Բանկի գործունեության անընդհատության ապահովման գործընթացում։
Զարգացման Բանկն այսուհետ էլ ավելի հետևողական է լինելու տեղեկատվական անվտանգության ոլորտում առկա ռիսկերի բացահայտման, կառավարման և նվազեցման, ինչպես նաև միջազգային լավագույն փորձի կիրառման գործում:
