ՀՀ ԱԺ ՀԱԿ խմբակցության քարտուղար Արամ Մանուկյանի հայտարարությունը՝ Գալուստ Սահակյանի նոր կարգադրության մասին, դժգոհություններ ու մտահոգություններ է առաջացրել նաեւ լրագրողական հանրույթի շրջանում: Արամ Մանուկյանի փոխանցմամբ՝ պատգամավորներն իրավունք չունեն հանդիպելու լրագրողների հետ նիստերի օրերին, եթե Գալուստ Սահակյանը թույլ չի տվել:
Լրագրողների իրավունքների պաշտպանությամբ զբաղվող կազմակերպությունները կարծում են, որ եթե նման կարգադրություն է տրվել, ապա դրանում խոսքի ազատության եւ տեղեկատվություն ստանալու ազատության հարցում լուրջ խոչընդոտներ կան, եւ շտապ այն պետք է չեղյալ հայտարարել:
«Առավոտ» օրաթերթ
08.10..2015
