Այսօր ԱԺ-ում Մարդու իրավունքների պաշտպան Կարեն Անդրեասյանը ներկայացրեց իր 2014-ի զեկույցը
ԲՀԿ խմբակցության ղեկավար Նաիրա Զոհրաբյանը հարցրեց «չարաբաստիկ վաղաժամկետ ազատ արձակման հանձնաժողովից». «Չկա քրեակատարողական հիմնարկ, որի պետից սկսած մինչեւ կալանավորը այդ հանձնաժողովից չբողոքի: Անառողջ կրքեր բորբոքելուց բացի այդ հանձնաժողովը որեւէ ՕԳԳ չունի: Քրեակատարողական հիմնարկի ղեկավարն անգամ բողոքում է, ասում ՝է, թող այդ հանձնաժողովը չմտնի այստեղ, որովհետեւ ամեն անգամ գալուց մթնոլորտն ավելի է սրվում: Գիր ու ղուշի տարբերակով նայում են գործերը եւ որոշում են, առանց խորանալու դեպքի մեջ՝ մերժում են: Ով ուզում է՝ գնում է, ով ուզում է՝ չի գնում»: Նա առաջարկեց կամ հանձնաժողովը փակել կամ գործիքակազմը փոխել:
«Ես ամեն օր կալանավորից զանգ եմ ստանում: Այսօր էլ զանգ եմ ստացել Արթիկից, Հրազդանից: Ինչպե՞ս կարգավորել գործունեությունը, որ այդ հանձնաժողովը չաշխատի, որովհետեւ վնասից բացի որեւէ օգուտ չի տվել»,- նշեց տիկին Զոհրաբյանը:
Օմբուդսմենը պատասխանեց. «Լիարժեք կիսում եմ մտահոգությունը, չնայած համաձայն չեմ սուր գնահատականների հետ: Միանշանակ ասել, որ բոլոր որոշումները հանձնաժողովի լավը չեն եղել՝ կոպիտ կլիներ, մի քիչ էլ՝ անարդար: Որոշակի դրական արդյունքներ եղել են: Անկեղծ ասեմ՝ ես այդ հանձնաժողովից դուրս եմ եկել եւ աշխատողներիս արգելել եմ գնալ իմ պաշտոնավարումից հետո հաջորդ ամիսը»:
Կարդացեք նաև
Կարեն Անդրեասյանն ասաց, որ քաղաքական ցանկություն է պետք՝ լուծումները գտնելու համար:
Հռիփսիմե ՋԵԲԵՋՅԱՆ
