Գործադիրի այսօրվա նիստում Հարկային օրենսգիրքը փոխելու մասին նախագիծ ներկայացրեց ՀՀ ֆինանսների փոխնախարար Պավել Սաֆարյանը: Նա տեղեկացրեց, որ հարկային օրենսգրքում կատարված փոփոխությունները նախատեսվում են ուժի մեջ մտնել 2018 թվականի հունվարի մեկից:
ՀՀ վարչապետ Հովիկ Աբրահամյանն էլ ասաց, որ հարկային օրենսգրքում կատարված փոփոխությունները ամիսների տքնաջան աշխատանքի արդյունք են եւ ֆինանսների նախարարությունը նոր օրենսգիրքը մշակել ու կազմել է այն գաղափարի վրա, որ հնարավորինս պետք է կրճատել արտոնությունները, դրանց փոխարեն առավել հասցեական սուբսիդավորում հատկացնել պետական բյուջեից:
«Այս մոտեցումը ողջունելի է: Ինձ հիմնավորումներ են պետք, որ ոչ թե վատացնում, այլ լավացնում է դրա կարիքն ունեցող քաղաքացիների վիճակը»,- ասաց Հովիկ Աբրահամյանը:
Նա նաեւ մի շարք գերատեսչությունների ղեկավարների հանձնարարեց մեկ շաբաթվա ընթացքում քննարկումներ իրականացնել, եւ ներկայացնել առաջարկներ:
Կարդացեք նաև
Հովիկ Աբրահամյանը հայտնեց, որ քննարկումները կշարունակվեն մինչեւ այս տարվա վերջ, իսկ 2016 թվականին կուղարկվի խորհրդարան:
Նելլի ԲԱԲԱՅԱՆ
