Սահմանադրական փոփոխություններով Հայաստանն ավելի շատ դառնում է վարչապետական, քան խորհրդարանական երկիր: Այս կարծիքին է ԱԺ ՕԵԿ խմբակցության պատգամավոր Հովհաննես Մարգարյանը:
«Սահմանադրությամբ երկրի նախագահը, վարչապետը և ԱԺ նախագահը պետք է ունենան այնպիսի հարաբերություններ, որպեսզի հավասարակշռեն իրար, ինչը չկա ԱԺ կողմից ընդունված նախագծով: Բոլոր կարևոր որոշումները հենց վարչապետն է ընդունելու»,- համոզված է պատգամավորը: Նա Սահմանադրական փոփոխությունների նախագծում չի տեսել քաղաքական մենաշնորհը վերացնելու ոչ մի քայլ:
Պարոն Մարգարյանը բացատրեց նաեւ, թե ինչու են ԱԺ խմբակցության մի քանի պատգամավոր ոչ քվեարկել, մի մասը ձեռնպահ. «ՕԵԿ-ը չէր կարող կողմ քվեարկել փոփոխությունների այս նախագծին, քանի որ չեն ընդունվել մեր ներկայացրած բոլոր առաջարկությունները: Բայց քննարկումների արդյունքում եզրակացրինք՝ ճիշտ չի լինի,, եթե բոլորս դեմ քվեարկենք, որովհետեւ մեր առաջարկություններից որոշներն, այնուամենայնիվ, ընդունվել են»:
Նա նաեւ ասաց, որ «Հայկական վերածնունդ» հասարակական-քաղաքական միավորումը սահմանադրական փոփոխությունների դեմ պայքարելու ճակատ է, ու ՕԵԿ-ը «Ոչ»-ի ճակատին միանալու անհրաժեշտություն չեն տեսնում. «Հայկական վերածնունդ» միավորման մեջ արդեն իսկ ներգրավվել է 140 հասարակական եւ քաղաքական կազմակերպություն։ Մենք մեր ճակատն ունենք ի դեմս «Հայկական վերածննդի: Մեր ռազմավարությունն ու մարտավարությունը ապագայում կներկայացնենք»:
Կարդացեք նաև
Արփինե ՍԻՄՈՆՅԱՆ
