«Ես գիտեի, որ թոշակի տարիքի հասնելուց հետո նաև հիշողության հետ կապված խնդիրներ կարող են առաջանալ, բայց էս չափի… Կարդացի, ու երբ հասա էն տեղին, թե՝ «ես էդպիսի ապագա իմ երկրին չեմ ցանկանում», սիրտս լցվեց…»,-«Առաջին լրատվական»-ի հետ զրույցում նկատեց «Հանրապետություն» կուսակցության նախագահ Արամ Սարգսյանը՝ անդրադառնալով երեկ ՀՀ երկրորդ նախագահ Ռոբերտ Քոչարյանի հարցազրույցին:
«Էս մարդը մոռացել է, որ իր երկրում Հոկտեմբերի 27-ի դատավարություն է կոծկել, որ 2004թ.-ին Սահմանադրական դատարանի որոշումը ի կատար ածելու պահանջով փողոց դուրս եկած ժողովրդին քշելու համար «կոլցո» օպերացիա է իրականացրել և տվյալ պահի հիմնական երեք կուսակցությունների դռներ ջարդել, ներսում եղածներին կալանավորել ու գրասենյակները փակել է: Մոռացել է «Պապլավոկն» ու իրեն բարևած Պողոս Պողոսյանին, և վերջապես մոռացել է, որ իր կողմից հորինված շինծու պատրվակներով 2008 թվականի մարտի մեկին իր երկրի մայրաքաղաքում իր ժողովրդի վրա կրակելու հրաման է տվել ու 10 մարդու սպանել: Մոռացել է, որ իր երկիր եկավ մի շապիկով ու էսօր էս աղքատ երկրի ամենահարուստ մարդն է»,-հավելեց Սարգսյանը:
Արամ Սարգսյանը որևէ կերպ չի հասկանում «դահիճի մարդասիրությունը»:
Մանրամասներին կարող եք ծանոթանալ` «1in.am»-ի կայքում
