«Այո, կարդացի հարգարժան երկրորդ նախագահի մեկ հարցանոց հարցազրույցը: Հետո վերընթերցեցի Վենետիկի հանձնաժողովի եզրակացությունը: Հետո նորից վերադարձա հարցազրույցին»,- այսօր խորհրդարանում, լրագրողների հետ զրույցում քայլերի հաջորդականությամբ ներկայացրեց ԱԺ փոխնախագահ Էդուարդ Շարմազանովը`պատասխանելով ՀՀ երկրորդ նախագահ Ռոբերտ Քոչարյանի հարցազրույցին վերաբերվող հարցին: Ռոբերտ Քոչարյանը, հիշեցնենք, նկատում է, որ հրապարակված նախագիծը գերադասում է իր վատագույն սպասումները:
«Հանձնաժողովի եզրակացության մեջ վերամբարձ բառեր չկային, կար միայն ժամանակակից դինամիկ երկրների տեսլական, որին հասնելու ճանապարհին բարձր է գնահատվում արված աշխատանքը: Հարցազրույցում շատ ավելի ոսկեղենիկ ու մաքրամաքուր հայերեն էր գործածած՝ հարատև չարիք, լճացման աղբյուր, արատավոր համակարգ և ոչինչ չփոխելու տեսլական»,-համեմատականներ տարավ Էդուարդ Շարմազանովը`հավելելով. «Բայց հարցազրույցը, իմ կարծիքով, ուներ անկյունաքար: Չի կարելի փոխել Սահմանադրությունը, որովհետև արատավոր համակարգի վերարտադրման գործիք: Ուշադրություն դարձրեք՝ «արատավոր համակարգի վերարտադրման գործիք»: Հետաքրքիր է ի՞նչ խաղի կանոնների պայմաններում և ե՞րբ է առաջացել այդ արատավոր համակարգը: Հետաքրքիր է, ոչինչ չփոխելով ինչպե՞ս պետք է վերանա այդ արատավոր համակարգը, եթե դա իսկապես այդպես է:
Բայց ասեմ, որ ես շատ լավ հասկանում եմ նաև երկրորդ նախագահի տեսակետի օբյեկտիվ հիմքերը: Ցանկացած մարդ դժվարությամբ է հրաժարվում այն ամենից, ինչ ինքն է ստեղծել: Սա շատ մարդկային և հասկանալի իրողություն է: Պարզապես պետք է ընդունել նաև, որ կյանքն առաջ է ընթանում, աշխարհն արագ է փոխվում, և եվրոպական ոչ մեծ երկրների տիպի կառավարման համակարգերը լիովին ապացուցել են իրենց կենսունակությունը: Տեղում դոփել անկարելի է. ես այդպիսի ապագա իմ երկրին չեմ ցանկանում»:
Կարդացեք նաև
Նելլի ԳՐԻԳՈՐՅԱՆ
= Տեղում դոփել անկարելի է. ես այդպիսի ապագա իմ երկրին չեմ ցանկանում»:=
Եթե կարելի է շարունակ նվաճումներից խոսելով հետ-հետ գնալ ու, ի՞նչ կարիք կա տեղում դոփելու: Դուք ընդունակ չեք անգամ տեղում դոփելու…