«Ազատ դեմոկրատներ» կուսակցության նախագահ, անկախ պատգամավոր Խաչատուր Քոքոբելյանը Սահմանադրական բարեփոխումների նախագծի քվեարկությանը չմասնակցեց, թեպետ, դահլիճում էր:
Aravot.am-ի հետ զրույցում պարոն Քոքոբելյանն ասաց, որ իրենց ներկայացրած որոշ առաջարկներ ընդունվել են, բայց կային նաեւ սկզբունքային առաջարկներ, որոնք Սահմանադրական բարեփոխումների մասնագիտական հանձնաժողովն անտեսել էր: Այդ պատճառով Խաչատուր Քոքոբելյանը դեմ էր Սահմանադրական բարեփոխումների նախագծին, բայց նա քվեարկությանը չմասնակցեց, որովհետեւ չէր պահպանվել ընթացակարգը եւ նախագծի վերջնական տարբերակը սահմանված ժամկետներում պատգամավորներին չէր ներկայացվել:
Նախագծի վերջնական տարբերակը պատգամավորներին բաժանվել է առավոտյան` քվեարկությունից մեկ ժամ առաջ, ինչը հնարավորություն չէր ընձեռել փաստաթղթին ծանոթանալ:
«Սկզբունքային եմ համարել չծանոթացած նախագծի քվեարկությանը չմասնակցելը»,- ասաց նա:
Կարդացեք նաև
Այլ մանրամասները` վաղվա տպագիր «Առավոտ»-ում:
Նելլի ԳՐԻԳՈՐՅԱՆ
