Նախագահի կողմից ներկայացված Սահմանադրական փոփոխությունների նախագիծը հանրաքվեի դնելու հարցը ԱԺ-ում դրվեց քվեարկության եւ ընդունվեց 104 կողմ, 10 դեմ եւ 3 ձեռնպահ ձայների հարաբերակցությամբ:
Մինչ քվեարկությունը վարման կարգի վերաբերյալ խոսելու թույլտվություն էր խնդրել Զարուհի Փոստանջյանը, Արամ Մանուկյանը: Գալուստ Սահակյանը արհամարհեց դա եւ ասաց, որ շարժվում են ԱԺ կանոնակարգ օրենքով:
Սակայն Զարուհի Փոստանջյանը սկսեց տեղից աղմկել եւ հայտարարություններ անել: Գալուստ Սահակյանը աղմկողներին հորդորեց կարգի հրավիրել: Իսկ Արամ Մանուկյանը դիմեց Գալուստ Սահակյանին. «Պատգամավորին բերման են ենթարկել, ես կարո՞ղ եմ հայտարարություն անել վերջապես: Պառլամենտը կարո՞ղ է պաշտպանել պատգամավորին, թե՞ չէ»:
Գալուստ Սահակյանը չարձագանքեց աղմուկին: Դահլիճում բավականին աղմուկ էր բարձրացել եւ չէւբ լսում կառավարության ներկայացուցչին, որը զեկուցում Քաղաքացիական օրենսգրքում կատարվող փոփոխությունների նախագիծը:
Կարդացեք նաև
Հռիփսիմե ՋԵԲԵՋՅԱՆ
