ԱԺ-ում քվեարկության դրվեց նախագահի կողմից ներկայացված Սահմանադրական փոփոխությունների նախագիծը: Սակայն մինչ այդ տեսնելով, որ դահլիճում մատների վրա հաշված պատգամավորներ են մնացել, Գալուստ Սահակյանը 3-4 անգամ հայտարարեց, որ պատգամավորները մտնեն դահլիճ, կազմակերպում են քվեարկություն: ՀՀԿ-ականները, լսելով հրավերը, մեկը մյուսի հետեւից սկսեցին խուճապահար դահլիճ մտնել՝ քվեարկությունից չուշանալու համար: Այդ խուճապից ԱԺ աշխատանքները մի խաթարվեցին եւ Գալուստ Սահակյանը հորդորեց մի փոքր «ջանադիր» լինել եւ արագ տեղավորվել, որ քվեարկությունը կազմակերպեն:
Սակայն մինչ քվեարկությունը ՕԵԿ խմբակցության պատգամավոր Հովհաննես Մարգարյանը հայտարարեց. «Նկատի ունենալով, որ մեր սկզբունքային առաջարկությունների մի մասը չի ընդունվել, ՕԵԿ խմբակցությունը չի կարող կողմ լինել այս նախագծին եւ մինչ քվեարկությունը որոշ հարցեր քննարկելու համար առաջարկում եմ 20 րոպե ընդմիջում»:
Գալուստ Սահակյանը, արձագանքելով, թե ի՞նչ պիտի քննարկեք, այնուամենայնիվ, 20 րոպե ընդմիջում հայտարարեց:
Կարդացեք նաև
Հռիփսիմե ՋԵԲԵՋՅԱՆ
