Այս պահին ԱԺ շենքի դիմաց հավաքված մի խումբ ԱԻՄ-ականներ ԱԺ պատգամավորներին են փոխանցում Պարույր Հայրիկյանի նամակը եւ Սահմանադրական փոփոխությունների վերաբերյալ ԱԻՄ-ի մոտեցումները:
Պարույր Հայրիկյանը պատգամավորներին նամակով կոչ է անում՝ այսօր ոչ քվեարկել Սահմանադրական փոփոխությունների ներկայացված նախագծին: «Կարծում եմ՝ դուք բավարար չափով տեղեկացված չեք, եւ իմ պարտքն եմ համարում ձեզանից ինչ-որ բան խնդրելու կամ որեւէ բան կոչ անելուց առաջ իրազեկել, որ այն գործընթացը, որի մեջ ներքաշված ենք ի պաշտոնե, ապօրինի է եւ հակասահմանադրական…Լեւոն Տեր-Պետրոսյանը 1995-ին իր համար բռնապետին պատշաճ Սահմանադրություն գրեց եւ չվայելեց,, 2005-ին նույն բանն արեց Ռոբերտ Քոչարյանը եւ խաղից դուրս մնաց: Հիմնական պատճառն այն է, որ նրանք, ինչպես եւ ձեր այդ հարցում անտեղյակ առաջնորդը եւ նրան մոլորության մեջ գցող 3-րդ իշխանության ղեկավարը, անտեսում էր այն սկզբունքը, որ երկրի հիմնական օրենք գրելիս օրվա իշխանությունը չպետք է դերակատարություն ունենա»,-իր ուղարկած նամակում պատգամավորներին այս ուղերձն էր գրել Պ. Հայրիկյանը:
