«Իր ելույթում նախագահը շատ հստակ արձանագրեց Հայաստանի պատասխանատու մասնակցության պատրաստակամությունը գլոբալ անվտանգության, խաղաղապահության միջոցառումներին»,- հոկտեմբերի 3-ին «Հայելի» մամուլի ակումբում լրագրողների հետ հանդիպման ընթացքում, անդրադառնալով Սերժ Սարգսյանի՝ ՄԱԿ-ի Գլխավոր ասամբլեայում ելույթին, ասաց ԱԺ պատգամավոր Խոսրով Հարությունյանը:
Նա նկատեց, որ միջազգային հանրությունն է առաջարկում եւ նպաստում Հայաստանի մասնակցությանը, ըստ նրա՝ դա վկայում է այն մասին, որ Հայաստանը միջազգային հանրության կամ պատասխանատու դերակատարների համար գլոբալ հարցերում խաղաղապահության գործընթացում դիտվում է որպես վստահելի գործընկեր. «Նախագահը սա կարեւորում է եւ ըստ էության, դիտում է մեր արտաքին քաղաքականության օրակարգային հարցերից մեկը»:
Խոսելով ՀԱՊԿ-ի մասին՝ Խոսրով Հարությունյանն ասաց, որ չի կարծում, որ ՀԱՊԿ-ի ներգրավվածությունը Ղարաբաղում կոնֆլիկտի կարգավորման գործընթացում հայաստանյան քաղաքական ղեկավարության կողմից դիտարկվում է որպես խիստ անհրաժեշտ հարց. «ՀԱՊԿ-ի մասնակցությունը կամ ՀԱՊԿ-ում մեր ներգրավվածությունը մեծ իմաստով պայմանավորված է տարածաշրջանում անվտանգությամբ, այդ թվում նաեւ Հայաստանի, բայց ոչ միայն Ադրբեջանի հետ կապված: Այսինքն՝ ես այն կարծիքին չեմ, որ այն նախաձեռնությունները, որոնք որ վերաբերում են ՀԱՊԿ շրջանակներում խաղաղապահների ձեւավորմանը, դրանք Հայաստանի, թեկուզ, նախաձեռնությամբ պայմանավորված են մեր՝ հեռուն գնացող նպատակներով՝ հայ-ադրբեջանական կամ ղարաբաղաադրբեջանական կոնֆլիկտի կոնտեքստում»:
Ամի ՉԻՉԱԿՅԱՆ
Կարդացեք նաև
