Շուշիում վերջերս ցուցահանդես ունեցած գեղանկարիչ Հաղթանակ Շահումյանը «Առավոտի» հետ զրույցում տարակուսանքով նշեց, որ իրեն շատ են հարցրել՝ ի՞նչ նպատակ ես հետապնդում այդ ցուցահանդեսով: «Ես էլ ասացի՝ զուտ բարոյական նպատակ, որովհետեւ ցանկացած հայ մարդ պետք է իր երկրի մի անկյունը վերականգնելու պարտավորություն ունենա: Թե չէ՝ բանավոր հայրենասեր բառը ինձ համար տհաճ է լսելը, մանավանդ հիմա հաճախ են հայրենասիրությունից խոսում կենացների ժամանակ ու տեսախցիկների առաջ:
Իրականում ի՞նչ է նշանակում հայրենիքը սիրել, դա նշանակում է քո բաժին պարտավորությունը ստանձնել հայրենիքի հանդեպ, որ երկիրդ դրախտ դառնա»,- ասում է արվեստագետը: Հաղթանակ Շահումյանը նաեւ շեշտում է. «Ամեն մարդ կարող է սիրել, ապրել, ստեղծագործել ու հարստանալ՝ որտեղ ցանկանում է, բայց ամեն մարդ պետք է իր բաժին պարտավորություն զգա երկրի հանդեպ: Մենք ժառանգել ենք տասնյակ հազարավոր տարիների քաղաքակրթություն եւ անփույթ լինելու իրավունք չունենք»:
ԳՈՀԱՐ ՀԱԿՈԲՅԱՆ
Կարդացեք նաև
«Առավոտ» օրաթերթ
02.10..2015
