Ինչպես արդեն տեղեկացրել ենք, «Ընդդեմ իրավական կամայականության» հասարակական կազմակերպությունը 19.09.2015թ. թիվ 104/09 գրությամբ դիմել էր ՀՀ ոստիկանության պետ Վ.Գասպարյանին և ՀՀ Մարդու իրավունքների պաշտպան Կ.Անդրեասյանին` խնդրելով կարգապահական պատասխանատվության ենթարկել ոստիկանության հատուկ ջոկատի 4-րդ վաշտի հրամանատար Գեղամ Խաչատրյանին:
ՀՀ Մարդու իրավունքների պաշտպան Կ.Անդրեասյանը արձագանքել է մեր գրությանը և 01.10.2015թ. որոշում կայացրել բողոքը քննարկման ընդունելու մասին:
Ոստիկանությունը դեռևս չի արձագանքել մեր գրությանը:
Հիշեցնենք, որ ոստիկանության հատուկ ջոկատի 4-րդ վաշտի հրամանատար Գեղամ Խաչատրյանն իր Ֆեյսբուքյան էջում գրառել էր հետևյալը. «խոսքս վերաբերվում է այն անբարոյականներին, ովքեր հայհոյում են ոստիկանների մայրերին, ընտանիքի անդամներին: Սա իմ անձնական կարծիքն է՝ թող ներեն ինձ կանայք ովքեր կարդում են իմ այս գրածը: Գևորգ ՍԱՖԱՐՈՎ, շուշանիկ ՎԱՂԻՆԱԿՅԱՆ և մնացած բոլոր անբարոյականների և վիժվածքների զավակներ մի հատ ձեզ նայեք, ձեր ընտանիքներին ու ձեր կողքիններին կտեսնեք որ դուք եք արժանի այդ հայհոյանքներին: Վիժվածքների նման թափել եք փողոց պրոպագանդելով հայրենասիրություն և ազատություն: Ոնց կարող է հայրենասեր մարդը հայհոյի ՀԱՅՐԵՆԻՔԻ ծառայողներին և իր պաշտպաններին??? Նորից եմ կրկնում սա իմ անձնական կարծիքն»:
Կարդացեք նաև
«Ընդդեմ իրավական կամայականության» ՀԿ
