«Վերահսկողության մեխանիզմներն այնպիսին են, որ որեւէ մեկը չի կարող անհեթեթ կերպով ձախողել իրավիճակը, ով ձախողեց՝ նա կտուժի»,- այսօր լրագրողների հետ զրույցում ԱԺ նախագահ Գալուստ Սահակյանն այսպես մեկնաբանեց ՀԷՑ-ը «Տաշիր» գրուպի սեփականատեր Սամվել Կարապետյանին վաճառելուն:
Դիտարկմանը, որ Հայաստանի բոլոր ռազմավարական կառույցները այսպես վաճառվում են, ոչինչ տակը չի մնում ի վերջո՝ Գալուստ Սահակյանը դեղատոմս առաջարկեց. «Դրա համար դուք հավաքվեք, մտածեք, դուք պիտի բիզնեսով զբաղվեք: Ովքեր փող ունեն, նրանք են բիզնեսով զբաղվում: Եվ պիտի ողջունել նրանց, ովքեր այս պայմաններում Հայաստանում ներդրումներ են անում»:
Դիտարկմանը, որ իշխանական բուրգը չի թողնում, որովհետեւ ամեն մեկն իր համար է բիզնես անում եւ թույլ չի տալիս փոքր ու միջին բիզնեսին շնչել՝ Գալուստ Սահակյանն արձագանքեց. «Իշխանական բուրգը թողնում է, որ ինչ ասեք, ում ուզեք, պրովոկացիա անեք, չգիտեմ ինչեր անեք՝ հանկարծ էդ մի պահը չի՞ թողնում»:
Հարցին՝ Սամվել Կարապետյանի հայրենասիրությունն այստեղ ո՞րն է, երբ փաստացի սակագինը չի փոխվել՝ նա պատասխանեց. «Կառավարման մեխանիզմները կնորացվեն, կթարմացվեն, կորուստները այնքան չեն լինի, ինչքան այսպես է: Իսկ սակագինը դա ապրանք է: Ես չեմ կարծում ձեզանից յուրաքանչյուրին որ այսօր տալիս են 200 դոլար, վաղը 50 դոլար տան, դուք կգաք կաշխատեք: Նույնն էլ գազն է: Գազը մեր գազը չի, մեր գետնի տակից դուրս չի գալիս, դա գնվում է»:
Կարդացեք նաև
Հռիփսիմե ՋԵԲԵՋՅԱՆ
