Խորվաթիայում ավարտված շախմատի Եվրոպայի պատանիների առաջնությունում Նիդերլանդները ներկայացնող Աննա-Մայա Ղազարյանը ինը հնարավորից վաստակելով 7,5 միավոր՝ նվաճեց մինչեւ 16 տարեկան աղջիկների չեմպիոնի կոչումը:
Aravot.am-ը տեղյակ էր, որ Աննան ժամանակին Նիդերլանդներում շախմատային օգտակար խորհուրդներ է ստացել Հայաստանի լավագույն շախմատիստուհի Էլինա Դանիելյանից: Մեր հետ զրույցում Էլինան ասաց. «Այո, երբ Հոլանդիայում էի, մի կարճ ժամանակ շփվել եմ Աննայի հետ: Նա սիրում է շախմատը եւ տաղանդավոր աղջիկ է: Այդ ընթացքում նրան շախմատի հետ կապված մի քանի խորհուրդներ եմ տվել: Եվ եթե դրանք օգնել են Աննային Եվրոպայի պատանիների այս առաջնությունում հաղթելու համար, միայն ուրախ կլինեմ»:
Աշոտ ՀԱԿՈԲՅԱՆ
Լուսանկարը՝ schaakbond.nl-ի
