2015 թվականի երկրորդ եռամսյակում ԱՊՀ երկրների Համախառն ներքին արդյունքի (ՀՆԱ) նվազումը խորացել է եւ հասել 4,4%-ի: Առաջին եռամսյակում այդ ցուցանիշը հավասար է 2,6%-ի: Այդ ցուցանիշի վատացումը առաջին հերթին անդրադարձել է Ռուսաստանի եւ Բելառուսի տնտեսությունների անկման, ինչպես նաեւ Ղազախստանի տնտեսության աճի դանդաղելու վրա: Այս մասին ասվում է Եվրասիական զարգացման բանկի հրապարակած հետազոտության մեջ:
Նշված է, որ ընդհանուր բացասական միտումներից շահեկանորեն առանձնանում են Հայաստանը, Ադրբեջանը, Ղրղզըստանը եւ Տաջիկստանը: Այդպիսով՝ ԱՊՀ երկրների տնտեսական վիճակը երկրորդ եռամսյակում համանման չի եղել:
Մասնավորապես Ղրղզըստանում, Հայաստանում եւ Տաջիկստանում ՀՆԱ-ի աճը արագացել է արդյունաբերության ոլորտում հանքարդյունահանման բնագավառի ակտիվացման եւ գյուղատնտեսության մեջ գրանցված աճի ֆոնին: Որպես արդյունք՝ անցած տարվա նույն ժամանակաշրջանի համեմատ աշխատուժ արտահանող այս երկրների ՀՆԱ-ն աճել է 5,6%-ով երկրորդ եռամսյակում, եւ 4,6%-ով առաջին եռամսյակում:
Նավթ եւ գազ արտահանող երկրների խմբում ցուցանիշները տարբեր են: Օրինակ, Ռուսաստանում եւ Ղազախստանում ցուցանիշները վատացել են, այն դեպքում, երբ Ադրբեջանում ՀՆԱ-ի աճը արագացել է մեղմ ֆիսկալ քաղաքականության եւ գյուղատնտեսության աճի շնորհիվ:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
