Ուկրաինայի նախագահ Պյոտր Պորոշենկոն ՄԱԿ-ի Գերագույն ասամբլեայի գագաթնաժողովում ունեցած ելույթում սուր քննադատության է ենթարկել Ռուսաստանի իշխանությունների գործողությունները եւ այդ երկիրն անվանել է ագրեսոր երկիր, որը խախտում է Միացյալ ազգերի կազմակերպության հիմնական սկզբունքները:
«BBC»-ի ռուսական ծառայության փոխանցմամբ՝ Պորոշենկոյի ելույթի ընթացքում ռուսական պատվիրակությունը լքել է դահլիճը: Ուկրաինայի նախագահը հայտարարել է, որ Ռուսաստանը երկու անգամ Անվտանգության խորհրդում օգտվել է վետոյի իր իրավունքից, որպեսզի Ղրիմում «հանցավոր հանրաքվեի» մասին քննարկումը արգելափակի:
«Ուկրաինան հանդես է գալիս վետոյի իրավունքի շարունակական նվազման եւ վերջում չեղյալ համարելու առաջարկությամբ: Վետոյի իրավունքը չպետք է հանցագործության ներման ակտ դառնա»,- նշել է նա:
Նա Ռուսաստանին մեղադրել է այն բանում, որ ահաբեկչության դեմ պայքարի լայն կոալիցիա ստեղծելու կոչով այդ երկիրը «իր տան շրջակայքում խրախուսում է ահաբեկիչներին»:
Կարդացեք նաև
Պյոտր Պորոշենկոն նաեւ ասել է, որ ՌԴ-ն իր սահմանների շուրջ անկայունության գոտի է ստեղծում, որի մեջ մտնում են Լեռնային Ղարաբաղը, Աբխազիան, Հարավային Օսիան, Մերձդնեստրը, այժմ նաեւ Ղրիմը եւ Դոնբասը:
Ուկրաինայի առաջնորդի ելույթն ամբողջությամբ՝ տեսանյութում
https://www.youtube.com/watch?v=JmK5oI56dZ4
Պատրաստեց Աշոտ ԻՍՐԱԵԼՅԱՆԸ
