Նա մոտ օրերս Գինեսի ռեկորդների պատմության մեջ առաջին անգամ պտտաձողի վրա մեծ պտույտ ետ վարժությունում կփորձի մեկ րոպեում կատարել առնվազն 41 պտույտ:
«Երբ 2014 թվականի սեպտեմբերին գրանցվեցի Գինեսի համաշխարհային ռեկորդների գրքում՝ պտտաձողի վրա 30 րոպեում անընդմեջ 1001 պտույտ կատարելով՝ մտածեցի սահմանել մի այնպիսի ռեկորդ, որն իմ անձնականը կլինի: Ընտրությունս կանգ առավ մեկ րոպեում կատարվելիք պտույտների քանակի վրա: Այդպիսի վարժություն դեռ ոչ ոք չի կատարել: Սկսեցի մարզվել եւ երբ պտույտների քանակը հասցրեցի րոպեում 41-ի, հայտ ներկայացրի Գինեսի ռեկորդների հանձնաժողով: Բայց նրանք ինձ կոնկրետ պտույտների թիվ չեն ասել, բայց դա պիտի լինի մոտ 40-50-ի սահմաններում: Հիմա պատրաստվում եմ դա անել եւ տեսագրությունը սահմանված կարգով ուղարկել իրենց» – ասաց Ռ.Սահրադյանը:
Aravot.am-ի հարցին, թե Գինեսի ռեկորդներ սահմանելը ի?նչ է տալիս, մասնավորապես, հայկական սպորտին եւ Հայաստանի մարզական ղեկավարությունն ինչպե?ս է վերաբերվում նման նախաձեռնություններին, Ռոման Սահրադյանը պատասխանեց. «Այսպիսի ռեկորդները նախ եւ առաջ ճանաչում են բերում Հայաստանին: Բացի դա, մարդիկ տեսնելով՝ իրենք էլ են ցանկանում մի ինչ-որ ռեկորդ էլ իրենք սահմանեն: Ու սկսում են մարզվել: Իսկ ինչ վերաբերում է մարզական ղեկավարությանը, ապա մենք առայժմ պատշաճ ուշադրության չենք արժանանում եւ դեռ ստվերում ենք», – ասաց Գինեսի ռեկորդակիրը:
Ռոման Սահրադյանը, որ ոստիկանության զորամասերից մեկում պայմանագրային աշխատակից է, նաեւ տեղեկացրեց, որ սեպտեմբերի 30-ին, երբ ինքը պատրաստվում է նոր ռեկորդ գրոհել, մրցակցություն է լինելու իր եւ իր գործընկերներից մեկի՝ Նարեկ Ադամյանի միջեւ: «Ես միայն ուրախ կլինեմ, եթե եւս մի հայի անուն գրանցվի ռեկորդների գրքում: Նա եթե այդ օրը անցնի իմ 41 պտույտը, ես այդ օրը փորձելու եմ ռեկորդը ետ բերել» – ասաց նա:
Կարդացեք նաև
Աշոտ ՀԱԿՈԲՅԱՆ
