«Հայաստանը տարբեր սադրիչ քայլերով, մասնավորապես՝ հակամարտ զորքերի շփման գծում եւ հայ-ադրբեջանական սահմանին իրավիճակի սրմամբ, հետապնդում է բանակցային գործընթացին վնաս հասցնելու նպատակ»,- ըստ Day.az-ի, այս հայտարարությունը ԵԱՀԿ Մինսկի խմբի համանախագահների ներկայությամբ Նյու Յորքում Հայաստանի ԱԳ նախարար Էդվարդ Նալբանդյանի հետ հանդիպման ընթացքում ասել է Ադրբեջանի ԱԳ նախարար Էլմար Մամեդյարովը:
«Հայաստանի իրական նպատակը ագրեսիայի եւ օկուպացիայի շարունակությունն է: Հայաստանը բոլոր հնարավոր միջոցներով խոչընդոտում է Ադրբեջանի Լեռնային Ղարաբաղի շրջանի ադրբեջանական եւ հայկական համայնքների միջեւ կապերին, ինչը կարող էր նպաստել իրական վստահության հաստատմանը»,- ասել է Մամեդյարովը:
Ադրբեջանի ԱԳ նախարարը կրկին խոսել է այժմ գոյություն ունեցող ստատուս-քվոյի անընդունելիության մասին եւ հավելել, որ դա երկար չի կարող տեւել: «Ադրբեջանն երբեք չի համակերպվի իր տարածքների օկուպացիայի հետ»:
Նա նաեւ ասել է, թե հակամարտության կարգավորման համար Հայաստանը պետք է վերջ դնի Ադրբեջանի դեմ ագրեսիային եւ զորքերը դուրս բերի Լեռնային Ղարաբաղից. «Ադրբեջանը բանակցային գործընթացին մասնակցում է հակամարտության կարգավորման նպատակով: Սակայն, եթե Հայաստանը չազատի օկուպացված տարածքները, Ադրբեջանը կկիրառի բոլոր անհրաժեշտ քայլերը, որպեսզի վերականգնի իր տարածքային ամբողջականությունը, ինքնիշխանությունը եւ ապահովի սահմանների անձեռնմխելիությունը: Ցանկացած քայլի պատասխանատվությունը, որը կիրականացվի պետություն-օկուպանտի եւ ագրեսորի կողմից, ամբողջությամբ կընկնի Հայաստանի վրա»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
