«Պոստ Սկրիպտում» մամուլի ակումբում «Սարգսյան իրավաբանական խումբ» իրավաբանական միավորման ղեկավար Տիգրան Սարգսյանը՝ խոսելով Սահմանադրական փոփոխությունների նախագծի մասին՝ որպես դատական համակարգի բարեփոխման իմիտացիա դատական համակարգին առնչվում է նաեւ քննչական մարմինը, որտեղ շատ անփույթ կարգավորում է տրված, եւ որ քննչական գործողությունների կազմակերպումը իրականացնում են քննչական մարմինները, որտեղ հատուկ նշված է կազմակերպումը եւ ոչ իրականացումը. «Անունը շատ բան կարող է խառնել իրար, քանի որ քննիչները ցանկացած գործողություն իրականացնելիս սա կդիտեն որպես հակասահմանադրական»:
Մանրամասները՝ տեսանյութում.
Կարդացեք նաև
Երկրորդ բանախոսն էլ՝ նույն ասոցիացիայի անդամ Կարեն Վարդանյանը հավելեց, որ, այսօր, եթե յուրաքանչյուր ոք կարող է կոնկրետ գործով դիմել սահմանադրական դատարան՝ վիճարկելով իր նկատմամբ կիրառվող օրենքի սահմանադրականությունը, ապա նախագծով նա այդ իրավունքից կարող է օգտվել բացարձակապես այն դեպքում, եթե խախտվել են մարդու իրավունքները. «Այնուհետեւ տեղի է ունենում իշխանության ձեւավորումից ժողովրդի օտարման բացահայտ գործընթաց. եթե այսօր մարզերի բնակիչները մասնակցում են 5 ընտրությունների իսկ Երեւանցիները՝ 4, ապա տվյալ պարագայում անկախ բնակավայրից, մարդիկ մասնակցելու են 2 ընտրությունների»:
Ըստ նրա, մարդկանց կմնա մասնակցել ընտրությունների Ազգային Ժողովում՝ համամասնական ընտրություններին եւ համայնքներում՝ ավագանու ընտրություններին:
Մանրամասները՝ տեսանյութում.
Կարեն Վարդանյանը նշեց, որ ճիշտ է՝ տրված է, որ ժողովուրդը հավաքի 200 հազար ստորագրություն եւ առաջարկի սահմանադրության փոփոխությունների նախագիծ, սակայն, դրա հետ մեկտեղ ԱԺ-ին տրված է այդ նախագծի վրա վետո դնելու իրավունք: Այսինքն, ըստ նրա, եթե ԱԺ-ն չցանկանա այդ նախագիծը դնել քվեարկության, ապա այդ նախագիծը չի դրվի հանրաքվեի., ուզում ես հավաքի 3 միլիոն ստորագրություն:
Մանրամասները՝ տեսանյութում.
Անուշ ՄԱԹԵՎՈՍՅԱՆ
