Միջազգային կառույցներից համարժեք արձագանք սպասելն անիմաստ է»,-կարծում է «Հայրենիքի դարպասներ» ՀԿ նախագահ Արման Հայրապետյանը: Այսօր լրագրողների հետ հանդիպման ժամանակ խոսելով Տավուշի սահմանամերձ համայնքների ուղղությամբ հակառակորդի կողմից հրադադարի ռեժիմը խախտելու վերջին դեպքի մասին, նա նշեց, որ մինչ այդ նման հրթիռակոծություն չի գրանցվել. «Եթե ավտոմատներից են կրակում, ասում են` գյուղում խաղաղ է, որովհետեւ դա սովորական երեւույթ է: Իրականում սահմանամերձ գյուղում պատերազմի չի ավարտվում»,-ասաց Արման Հայրապետյանը:
Որպես միջազգային կառույցների կողմնակալ մոտեցման օրինակ նա պատմեց, որ նախորդ տարի Կարմիր խաչի միջազգային կոմիտեի ներկայացուցիչները եղել են Չինարիում, որպեսզի գյուղացիները կարողանան ցորենի դաշտը հնձել. «Հակառակորդը կրակել է կոմբայնի վրա՝ վնասելով նաեւ Կարմիր խաչի ավտոմեքենան: Կառույցի ներկայացուցիչը հայտարարեց, որ երկուստեք կրակոցների հետեւանքով իրենց մեքենան լքեց տարածքը…Խոսեցի ներկայացուցիչների հետ՝ ցանկանալով հասկանալ՝ իրենց ավտոմեքենայի վրա հո մեր կոմբայնո՞վ չեն կրակել…»,-հավելեց Հայրապետյանը:
Լուիզա ՍՈՒՔԻԱՍՅԱՆ
Կարդացեք նաև
