Սերժ Սարգսյանի գլխավոր ռազմական տեսուչ, ՀՀ պաշտպանության նախկին նախարար Միքայել Հարությունյանը երեկ մեզ հետ զրույցում հայտարարեց, որ Ադրբեջանը համարժեք պատասխան է ստացել Տավուշի մարզի նախօրեի գործողությունների համար:
– Պարոն Հարությունյան, վերջին օրերի այս լարվածությունը լայնածավալ ռազմական գործողությունների կարո՞ղ է հանգեցնել:
– Ես համոզված եմ, որ ոչ, սահմանային այս դեպքերը ոչ առաջինն են, ոչ վերջինը: Մենք տեսնում ենք, որ Ադրբեջանի նույն ոճն է, երբ պետք է Ղարաբաղի հարցով բարձրաստիճան պաշտոնյաների հանդիպում տեղի ունենա, այսպիսի դեպքեր են գրանցվում: Ադեկվատ պատասխանը նրանք արդեն ստացել են եւ կստանան: Ադրբեջանի ղեկավարությունը պետք է հասկանա, որ երբ այսպիսի քայլերի են գնում, ունենալու են զոհեր իրենց ժողովրդի շրջանում: Մենք, իհարկե, պետք է պատրաստ լինենք պատերազմի, բայց ես համոզված եմ, որ դա չի լինի մոտակա ժամանակներս:
– Ե՞րբ կարող է լինել:
Կարդացեք նաև
– Այն ժամանակ, երբ իրենք պատրաստ կլինեն եւ կիմանան, որ մեզանից ուժեղ են: Հիմա նրանք գիտեն, որ մեզանից ուժեղ չեն:
– Ճի՞շտ է, երեկ իրենք 5 զոհ են ունեցել, հենակետ է վերացվել եւ այլն:
– Մենք ադեկվատ պատասխանը տվել ենք: Իրենց զոհերի մասին թող իրենք խոսեն:
Լուսինե ԲԱՐՍԵՂՅԱՆ
Հրապարակումն ամբողջությամբ՝ «Հայկական ժամանակ» թերթի այսօրվա համարում:
