«Հիմա մեր քաղաքական հարթակը հագեցած է ժամանակավրեպ, ժամկետանց քաղաքական գործիչներով: Նրանք իրենց գործն արել են, Հայաստանը հանձնել են Եվրասիային, ու նրանք հիմա ոչ մեզ` անկախականներիս են պետք, ոչ էլ մետրոպոլիային»,- «Առավոտի» հետ զրույցում ասաց ԳԽ պատգամավոր Ազատ Արշակյանը:
Նրա կարծիքով՝ մետրոպոլիային հիմա հանձնողներ պետք չեն, կառուցողներ են պետք. «Մետրոպոլիան չի ուզում ի դեմս Հայաստանի հոգս ունենալ, այլ` հնազանդ հպատակ: Եթե իրենց հայրենիքը հանձնում են, մետրոպոլիային կհանձնեն ու կհանձնեն, եթե իրենց հայրենիքը կողոպտում են, մետրոպոլիային կկողոպտեն ու կկողոպտեն: Հանձնողները հանձնելու համար էին, նրանք աշխատել-ստեղծագործել չգիտեն, նրանք քանդող գործիք-գործիչ են»:
«Առավոտ» օրաթերթ
25.09..2015
