«Էներգետիկ պաշարներով հարուստ Ադրբեջանը վերջին տարիներին ընդլայնել է ռազմական ծախսերը, դրանով նպաստելով արդեն անկայուն եւ ռազմավարական տարածաշրջանում անհանգստության առաջացմանը»,- անդրադառնալով հայ-ադրբեջանական սահմանին երեկ տեղի ունեցած միջադեպերին՝ այս մասին գրել է «Deutsche Welle»-ն:
Կայքը հրապարակել է միջադեպի հետ կապված Հայաստանի պաշտպանության նախարարության եւ ԵԱՀԿ Մինսկի խմբի հայտարարությունները եւ նշել, որ ադրբեջանցիների կրակոցներից եւ հրետակոծությունից երեք հայ կին է երեկ զոհվել, մի քանի հոգի էլ վիրավորվել է:
«Նախկին խորհրդային հանրապետությունների միջեւ 20 տարի ընթացող հակամարտությունը խլել է շուրջ 30 հազար կյանք: Երկու կողմերն էլ 1994 թվականի հրադադարի ռեժիմի ստորագրումից հետո պարբերաբար բախումներ են ունեցել, երբ Ադրբեջանի Լեռնային Ղարաբաղի էթնիկ հայերն առանձնացան Բաքվից»,- նշում է «Deutsche Welle»-ն:
Նշված է, որ տարածաշրջանը ինքնուրույն է վարում իր գործերը, բայց ֆինանսական եւ ռազմական առումով կախված է Հայաստանից. «Հայաստանի զինված ուժերը նաեւ վերահսկում են Լեռնային Ղարաբաղից դուրս՝ Ադրբեջանի ներսում գտնվող մի քանի տարածքներ»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
