Հոգեհանգստից հետո սովորաբար տղամարդիկ կանգնում, խոսում են: Այդ ֆոնի վրա լուսանկար անել եւ ասել, որ Ռուբեն Հակոբյանի հետ ՀՅԴ-ն կազմելու է կոալիցիա իշխանության հետ, չի կարելի:
Այսօր ԱԺ ճեպազրույցի ժամանակ ՀՅԴ խմբակցության պատգամավոր Աղվան Վարդանյանն այսպես դժգոհեց լրատվամիջոցների աշխատանքից: Նա նեղսրտեց, որ ԶԼՄ-ները սուտ տեղեկություններ են տարածում, այն էլ այն պատգամավորի շուրջ՝ Արծվիկ Մինասյանի, որը խիստ հասանելի է եւ մշտապես կապի մեջ է լրագրողների հետ:
Արծվիկ Մինասյանը անդրադարձավ Ոչ-ի ճակատին: Նա ասաց, որ այն հատվածը, որը ոչ-ը օգտագործում է սեփական նեղ խմբային շահերը առաջ տանելու համար կամ գաղափարական համոզմունքների համար, բազմիցս են այդ հատվածին հրավիրել քննարկումների, չեն եկել: Եվ մի մաս կա, որ չի հավատում, որ իրենց կյանքում կարող է բան փոխվել: Այդտեղ, ըստ Արծվիկ Մինասյանի, ԶԼՄ-ները աշխատանք ունեն տանելու՝ տեղեկացնելու ճիշտ, թե ինչ է տալու Սահմանադրությունը:
Ըստ Աղվան Վարդանյանի, մարդիկ մտածում են, որ մեծամասնություն նոր խորհրդարանում լինելու է նորից ՀՀԿ-ն, բայց իրենք այդպես չեն մտածում, նորմալ ընտրություն են անցկացնելու: Նա հեգնեց Ոչ-ի ճակատը կազմած ընդդիմադիրներին, որ եթե նախագահը ասեր, խորհրդարանական կառավարման չենք գնում, ի՞նչ էին անելու այն ժամանակ. «Այնպես են դաշտը սեւ եւ սպիտակի բաժանել, այնպես են ներկայացնում, ով գնում է նախագահի հետ հանդիպելու՝ դավաճան է, ով որ չի գնում՝ հերոս է: Այ քեզ հերոսնե՜ր»:
Կարդացեք նաև
Հռիփսիմե ՋԵԲԵՋՅԱՆ
