Սեպտեմբերի 27-ին նշվում է Զբոսաշրջության համաշխարհային օրը: Զարգացման Բանկը շնորհավորում է տուրիզմի սիրահարներին և հայտարարում ակցիա իր բոլոր քարտապանների համար, ինչպես նաև այն անձանց համար, ովքեր այս ընթացքում կդառնան Բանկի քարտապան: Ակցիայի շրջանակում սեպտեմբերի 27-ից մինչև դեկտեմբերի 30-ն ընկած ժամանակահատվածում Բանկի քարտապաններին առաջարկվում են հատուկ զեղչեր Դիլիջանի, Ծաղկաձորի, Աղվերանի, Ջերմուկի և Ստեփանակերտի մի շարք հյուրանոցներում և հանգստյան տներում: Իսկ արտերկրում իրենց հանգիստը կազմակերպել ցանկացողների համար Բանկի գործընկեր տուրիստական գործակալությունները մշակել են հատուկ մատչելի տուրիստական փաթեթներ:
Զարգացման Բանկի քարտապանները զեղչերից կարող է օգտվել՝ ներկայացնելով իրենց վճարային պլաստիկ քարտերը:
Ակցիան նպատակ ունի նպաստելու զբոսաշրջության ակտիվացմանը՝ հատկապես գալիք պասիվ տուրիստական շրջանում, ինչպես նաև Բանկի հաճախորդներին հնարավորություն ընձեռելու իրենց հանգիստը լիարժեք և մատչելի կազմակերպելու, դրական լիցքեր և լավ տրամադրություն հաղորդելու:
Զարգացման Բանկի կողմից հայտարարված ակցիայի մանրամասներին կարող եք ծանոթանալ սույն հղմամբ:
