Սեպտեմբերի 21-ին մեկնարկել եւ մինչեւ հոկտեմբերի 2-ը Վարշավայում ընթանալու է ժողովրդավարության եւ մարդու իրավունքների հարցերով համաժողովը՝ ԵԱՀԿ Մարդկային չափման իմպլեմենտացիայի գծով տարեկան նստաշրջանը:
ԵԱՀԿ կայքում հրապարակված հաղորդագրությունից տեղեկանում ենք, որ նստաշրջանը կազմակերպել է Ժողովրդավարական հաստատությունների և մարդու իրավունքների գրասենյակը (ԺՀՄԻԳ):
Նստաշրջանի օրակարգում ներառված են Հայաստանում իրավապաշտպանների վիճակի մասին Հելսինկյան քաղաքացիական ասամբլեայի Վանաձորի գրասենյակի զեկույցը, Հայաստանի Հանրապետությունում խաղաղ հավաքների իրավունքների վերաբերյալ Հայաստանի հելսինկյան կոմիտեի զեկույցը, Հայաստանում խաղաղ ցուցարարներին ճնշելու վերաբերյալ Մարդու իրավունքներ առանց սահմանների կազմակերպության զեկույցը եւ դատական համակարգի վերաբերյալ Իրավունքների պաշտպանության առանց սահմանների կազմակերպության հայտարարությունը:
Հայաստանի հելսինկյան կոմիտեի զեկույցում անդրադարձ կա Բերձորի միջադեպին, Հիմնադիր խորհրդարանի անդամների կալանավորմանը, այս տարվա հունիսի 22-ին էլեկտրաէներգիայի սակագնի բարձրացման դեմ բողոքող քաղաքացիների եւ լրագրողների նկատմամբ կիրառված բռնությանը եւ այլն:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
