ՀՀԿ խմբակցության ղեկավար Վահրամ Բաղդասարյանը հայտարարեց, որ ողջունում է ԱԱԾ հայտարարությունը. «Ու այսուհետ թող բոլորը մտածեն իրենց հայտարարությունների մասին ու այնպիսի կոռեկտ հայտարարություններ անեն, որով ԱԱԾ-ն կամ նման տիպի կազմակերպությունները չզբաղվեն»։
Այն, որ պատգամավորն անձեռնմխելի անձ է, Բաղդասարյանի խոսքով, նրան իրավունք չի վերապահում «պետությանը վարկաբեկող, ժողովրդին ապակողմնորոշող հայտարարություններ անել եւ մնալ անպատասխան»։
Իսկ ի՞նչն է խանգարում, որ եթե Փոստանջյանն իսկապես անցել է իրավական նորմերը, համապատասխան ընթացակարգով գործընթաց սկսվի երկրի անվտանգությանն «սպառնացող» անձի դեմ, ՀՀԿ-ականն ասաց. «Որեւէ անձ չպետք է անպատիժ մնա», ապա նկատեց, որ համապատասխան կառույցներն իրենց գործը լավ գիտեն. «Եթե ՀՀԿ-ականներից էլ այդպիսի հայտարարություններ կանեն, թող համապատասխան մարմինները հետեւություններ անեն, ես ամենեւին չեմ անձնավորում»։
– Փաստորեն, ԱԱԾ-ն իր իրական գործառույթները կատարելու փոխարեն նոր առաքելություն է որոշել ստանձնել եւ ընդդիմադիր դաշտում վախի մթնոլորտ է փորձում սերմանել։
Կարդացեք նաև
– Ես չեմ ուզում, որ դուք այդ ջրաղացին ջուր լցնեք, որպեսզի մարդիկ ինչ ուզենան, արտահայտվեն պետության ու պետականության մասին՝ առանց պատասխանատվություն կրելու, մտնեն մարդկանց ընտանիքներ, խարխլեն ամեն ինչ։ Ես դա անթույլատրելի եմ համարում, եւ յուրաքանչյուր մարդ պետք է իր խոսքի կշիռն իմանա եւ առաջին հերթին մտահոգվի պետության շահերով։
– Իսկ չե՞ք կարծում, որ ԱԱԾ-ն իր իրական գործառույթը կատարելու փոխարեն ընդդիմադիր պատգամավորների ելույթները գրաքննելու ու պիտակավորելու գործով է զբաղված։ Ընդամենը մի քանի օր առաջ քրեական գործով անցնող Վահան Մարտիրոսյանին հաջողվեց Հայաստանի սահմանն անարգել հատել ու մտնել Ադրբեջան նաեւ ԱԱԾ-ի անգործության պատճառով։ Ի դեպ, այնտեղ Մարտիրոսյանը շատ ավելի վատ հակահայկական, հակապետական հայտարարություններ է արել։
– Մեզ դա չի վնասում, այլ օգուտ է բերում, որովհետեւ հայրենիքի դավաճանների ասածները միշտ ավելի օգտակար են։ Նա հետապնդվող անձ էր, իր կաշին փրկելու համար գնաց թաքնվեց Ադրբեջանում, ԱԱԾ-ն ի՞նչ իմանար, որ նման գործողություն կարող է կատարի, եւ ով է ասում, որ ԱԱԾ-ն չի զբաղվում այդ գործերով։
Լուսինե ՇԱՀՎԵՐԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
– Մեզ դա չի վնասում, այլ օգուտ է բերում, որովհետեւ հայրենիքի դավաճանների ասածները միշտ ավելի օգտակար են։ Նա հետապնդվող անձ էր, իր կաշին փրկելու համար գնաց թաքնվեց Ադրբեջանում, ԱԱԾ-ն ի՞նչ իմանար, որ նման գործողություն կարող է կատարի, եւ ով է ասում, որ ԱԱԾ-ն չի զբաղվում այդ գործերով։
Վ. Բաղդասարյան, դու գոնե հասկացա՞ր, թե ինչ ասեցիր: