Արմեն Սարգսյանը՝
նախահարձակ լինելու մասին
Այս օրերին սահմանային գծում բավականին լարված է: Հակառակորդը, օգտագործելով խոշոր տրամաչափի տեխնիկա, գնդակոծում է սահմանային բնակավայրերը, եւ տուժում են խաղաղ բնակիչներ: Նախագահ Սերժ Սարգսյանը հայտարարել էր, որ մենք նախահարձակ կարող ենք լինել: «Առավոտը» պաշտպանության նախարարի խորհրդական Արմեն Սարգսյանին հարցրեց՝ դրա ժամանակը չի՞ եկել: Նա պատասխանեց. «Չեմ կարծում: Վստահ եղեք, որ պաշտպանության նախարարությունը եւ գերագույն գլխավոր հրամանատարը տիրապետում են իրավիճակին, եւ ավելորդ սրման կարիք չկա: Վստահ եղեք, որ մեր սահմանները պաշտպանված են, ամուր են, եւ երբեւիցե հանկարծ մտքներովդ չանցնի, որ մենք կարող ենք մի թիզ հող հանձնել կամ թույլ տալ, որ թշնամին կարողանա մեծ վնասներ հասցնել մեզ: Եթե մեկ-մեկ լինում են դեպքեր՝ մեկի դիմաց 10-ը պատասխանում ենք»:
Մեր դիտարկմանը, որ մենք ժողովրդագրական խնդիրներ ունենք, արտագաղթ, այսպես թույլ տալ, որ մեկիկ-մեկիկ մեր բնակիչներին սպանեն, նա պատասխանեց. «Լիակատար խաղաղության մեջ չենք: Եթե այդ մեկ-մեկ դեպքերն էլ լինում են, վստահեցնում եմ՝ իսկապես մեկին տասով պատասխանում ենք: Սա է իրավիճակը»:
Հ. ՋԵԲԵՋՅԱՆ
Կարդացեք նաև
«Առավոտ» օրաթերթ
23.09..2015
