«Ընդունում ենք իբր թե դրական միտվածություն ունեցող օրենք, պրակտիկայում վերածվում է աննորմալության»:
Ըստ ԱԺ մոնիտորինգի զեկույցի՝ խորհրդարանի 7-րդ նստաշրջանի ընթացքում ՀՅԴ-ն ամենաշատ «ձեռնպահ» քվեարկած խմբակցությունն է:
Aravot.am-ը խմբակցության պատգամավոր Արծվիկ Մինասյանին հարցրեց՝ այդպես ոչ տաք, ոչ սառը, ինչպե՞ս եք այդ դիրքորոշումը մեկնաբանում:
Նա պատասխանեց. «Դուք դրա անունը դնում եք ոչ տաք, ոչ սառը, ես դնում եմ հետեւյալը՝ նախագծերում հստակություն չկա՝ որն է ավելի շատ՝ դրակա՞նը, թե՞ բացասականը: Պայմանավորված է դրանով: Դա խոսում է մեր օրենսդրական նախաձեռնությունների որակի մասին: Պրակտիկան էլ է ցույց տալիս, որ ձեռնպահ քվեարկությունները ճիշտ են: Ընդունում ենք իբր թե դրական միտվածություն ունեցող օրենք, պրակտիկայում վերածվում է աննորմալության: Սա վերահաստատում է մեր պնդումը, որ հստակություն չկա, թե որն է ավելի շատ՝ դրականը, թե՞ բացասականը: Եթե ցայտուն է, որ դրական է, մենք կողմ ենք քվեարկում, եթե ցայտուն է բացասականը՝ դեմ ենք քվեարկում»:
Կարդացեք նաև
Հռիփսիմե ՋԵԲԵՋՅԱՆ
