Արդարադատության նախարարության, «Ինֆորմացիայի ազատության կենտրոն» եւ «Հայաստանի երիտասարդ իրավաբանների ասոցիացիա» հ/կ-ների նախաձեռնությամբ, այսօր ձեւավորվեց հասարակություն-հակակոռուպցիոն աշխատանքային հարթակ: Այս հարթակը բաց է քաղաքացիական տարբեր խմբերի համար: Չնայած այսօր հրավիրված հանդիպմանը քաղաքացիական խմբերի ներկայացուցիչներ գրեթե չկային:
«Ինֆորմացիայի ազատության կենտրոն» հ/կ-ի նախագահ Շուշան Դոյդոյանն ասաց, որ Հակակոռուպցիոն աշխատանքային հարթակը նախատեսում է համատեղ պայքար կոռուպցիայի դեմ, ներկայացնում 2015-18թթ ռազմավարությունը:
Իսկ ռազմավարությունը կառավարության նիստի օրակարգում է, ամենայն հավանականությամբ` այս շաբաթվա նիստում արդեն կհաստատվի: Ռազմավարությունը նախատեսում է հակակոռուպցիոն միջոցառումների ծրագիր հատկապես թիրախային չորս ոլորտներում՝ առողջապահություն, կրթություն, պետեկամուտներ եւ ոստիկանական համակարգ:
«Աշխատանքային հարթակի հանդիպումները տեղի են ունենալու ըստ անհրաժեշտության, բայց ոչ պակաս, քան երեք ամիսը մեկ անգամ, պայմանավորվում ենք Հայաստանում ապօրինի հարստացումը քրեականացնելու եւ կոռուպցիայի դեմ պայքարի արդյունավետ ինստիտուցիոնալ համակարգի վերաբերյալ համատեղ հակակոռուպցիոն երկու աշխատանքային խմբերի ստեղծման մասին»,- համատեղ հայտարարությունը ընթերցեց Շուշան Դոյդոյանը:
Կարդացեք նաև
Արփինե ՍԻՄՈՆՅԱՆ
